鳳凰徑

鳳凰徑第一段:輕鬆走南山
難度:★☆☆☆☆☆
時間: 30 minutes
路線:梅窩➢南山
簡介:鳳凰徑第一段其實只是一段既車路,沿住嶼南道而上,到達南山坳既燒烤場結束。整段輕鬆但過於沉悶,而且快速完成,所以通常接連第二段一齊行。

鳳凰徑第二段:大東、二東連綿山脊
難度:★★★☆☆☆
時間:4 hours 
路線:南山➢雙東坳➢大東山爛頭營➢伯公坳
簡介:鳳凰徑第二段由南山開始起步,先係登上源源不絕既梯級,到達二東、大東之頂,通過爛頭營之後,就係落山去伯公坳,全段大起大落,有多少辛苦,不過唔係崎嶇。



鳳凰徑第三段:鳳凰山
難度:★★★★☆☆
時間:3.5 hours
路線:伯公坳➢鳳凰山➢昂坪
簡介:鳳凰徑三段全長大約6-7公里, 而鳯凰山是本港第二高山,高935米。由伯公坳作為起點,登山路程會比起昂平開始登山輕鬆,皆因昂坪至鳳凰山山頂一段較為陡峭,所以下山時就較為辛苦得多。

鳳凰徑第四段:昂坪欣賞鳳凰山山脈
難度:★☆☆☆☆☆
時間:1 hour 
路線:鳳凰觀日➢彌勒山郊遊徑➢寶昂路➢昂坪路➢深屈路
簡介:第四段由鳳凰山山腳下既鳳凰觀日牌匾開始行,經過彌勒山郊遊徑,之後一大段就係行車路,挑戰性不大,相當輕鬆易行,而係車路一段景觀會比較開揚。

鳳凰徑第五段:羗山、靈會山至龍仔悟園
難度:★★★☆☆☆
時間:3.5 Hours
路線:羗山道➢觀音山羗山靈會山萬丈布龍仔悟園
簡介:從羗山道先筆直地上觀音山,接著登羗山。在羗山上觀景不錯,十分開揚,甚至可以遠望分流那邊。越過了羗山後,往後的路段則較為輕鬆。

鳳凰徑第六段:深山既莊園龍仔悟園
難度:★☆☆☆☆☆
時間:1 hour
路線:龍仔悟園➢大澳
簡介:鳳凰徑第六段承接第五段係萬丈布開始,一開始地點就係龍仔悟園,之後就會不斷落山,去到大澳結束,路程比較短同容易。

鳳凰徑第七段:分流獨有既海景
難度:★★☆☆☆☆
時間:4.5 hours
路線:大澳➢二澳➢分流➢狗嶺涌

簡介:鳳凰徑第七段起點係大澳,沿住海邊一直走到二澳,在林中走一段會再去到海邊既分流,最後在山腰走返去引水道近狗嶺涌完成,全段都相對輕鬆,起伏不大,但係景觀一流。

鳳凰徑第八段:狗嶺涌~石壁水塘
難度:★☆☆☆☆☆
時間:below 1 hour
路線:狗嶺涌➢石壁水塘
簡介:鳳凰徑第八段係一段既輕易又沉悶既路線,皆因由狗嶺涌沿引水道行,雖然無咩起伏路段,但同樣地亦都無太多開揚景觀,所以通常連住第七段行會比較好。

鳳凰徑第九段:石壁水塘-籮箕灣-水口
難度:★★☆☆☆☆
時間:2 hours
路線:石壁水塘➢東灣➢籮箕灣➢水口
簡介:由石壁水塘開始步行,沿住石門山山腰而行,坡幅不算太大,容易前行。沿山腰而行,欣賞住無邊際既海景,遠眺大小鴉洲,行到最後既籮箕灣,仲可以聽下海浪聲,感受一下大海既味道,係條輕鬆賞心悅目既路線。

鳳凰徑第十段:水口沿引水道去東涌道
難度:★☆☆☆☆☆
時間:2 hours
路線:水口➢引水道➢舊東涌道
簡介:鳳凰徑第十段係嶼南道出發,就左一開始一小段既登山路,其餘大部份時間都係行引水道,基本上亦都好少開揚既路段,不過都可以仰望鳳凰山山脈。

鳳凰徑第十一段:東涌道~貝澳
難度:★☆☆☆☆☆
時間:1.5 hours
路線:東涌道➢貝澳
簡介:鳳凰徑第十一段由舊東涌道既路口開始行,左手邊係舊東涌道,右邊車道是第十一段,前半段在引水道旁行,後半段接山道去到貝澳,景色唔算開揚,是條輕鬆路線。

鳳凰徑第十二段: 貝澳-梅窩
難度:★★☆☆☆☆
時間:3 hours 
路線:貝澳➢鳳徑12段➢十塱坳➢白富田➢梅窩
簡介:鳳凰徑第十二段風景優美,先由貝澳開始行,沿途可見貝澳泳灘、芝麻灣、二東、蓮花山脈、喜靈洲、銀礦灣,而路段起伏不大,相當輕鬆。

Comments