難度：★★☆☆☆
時間：4 hours
時間：4 hours
路線：荃錦坳➢狹窄小路➢越野單車徑。河背段➢河背水塘➢河背村
如果只係想係河背水塘家樂徑環湖行大概1.5小時都可以完成，坐小巴來到河背村落車後，入村行上河背水塘，最後沿路離開。
簡介：荃錦坳出發往河背水塘一段，輕鬆易行，而且景色優美，對住整個錦田十八鄕既景色，雞公嶺、大刀屻一帶山脈。加上整段路都係在大樹下，就算係炎炎夏日之下，都唔算話覺得皓熱。最後黎到河背水塘，水壩是影靚相既好地方，人煙稀少對影相黎講最好不過。
難度：★☆☆☆☆☆
時間：1.5 hours
路線：河背村➢河背水塘➢河背村
時間：1.5 hours
路線：河背村➢河背水塘➢河背村
如果只係想係河背水塘家樂徑環湖行大概1.5小時都可以完成，坐小巴來到河背村落車後，入村行上河背水塘，最後沿路離開。
在荃灣西鐵路巴士總站坐巴士51號來到郊野公園站落車之後，往南邊行可以在麥理浩徑第9段開始，初段黎都係石屎車路，綠樹成蔭，最輕鬆不過。(如果落車之後往北面行，左手邊有條山徑是通往越野單車徑·河背段，可以直接去到河背水塘，但景色一定唔開揚。）
成日都有好大既蜘蛛網在頭上，真係要好小心咁越過，依一樣係要注意。
沿麥徑9段行，行左15分鐘可以行到一個開揚既地方，眺望荃灣、九龍、青衣，甚至港島一帶既風景，又可以仰望大帽山山脈。
跟住行多一陣，到達第一個指住河背水塘一條小路既路牌，寫往河背水塘，藍圈所示就係入口，依條小路行起上黎比較窄，而且怖滿左青苔，好似好耐無人行過，落完雨既話就相當滑，全條小路都係落斜，不過只係一少段，好快走到越野單車徑·河背段，往左手方向西邊行。
接住越野單車徑，整段路都係沿山腰平坦咁行，綠樹成蔭，而且平日都遇不到一部越野單車，都幾好行，接近河背水塘，景色亦都相常開揚，整個錦田十八鄕既景色，雞公嶺、大刀屻一帶山脈，完完全全程現在眼前，好似置身於外國鄉村一樣。
行到一個路口，有指示牌往河背水塘，行山徑同單車徑分開，但都係通住河背水塘。最後落到山，行山徑同單車徑交匯後，往前一段有一個路口，住左手邊行就係河背水塘水壩。依個水壩好似九龍水塘水壩差不多，但係山綠水清，是一個相當清幽既水塘，仲可以影唔少靚相添。
行過水壩後，可以沿車路離開，先經過青年協會有機農莊、郊野公園既閘口，最後行到河背村，經過秀溯軒後去到河背村村口可以坐小巴去錦上路港鐵站同元朗港鐵路。
1. 經過青年協會有機農莊
2. 閘口
3. 河背村既秀溯軒
6. 村口小巴站
河背水塘 | 荃錦坳地圖
日期：06-06-2017
Comments
Post a Comment